Shadow IT hücumu nədir?
Shadow IT, təşkilatın informasiya texnologiyaları komandası tərəfindən nəzarət olunmayan və təsdiqlənməyən proqram, cihaz və xidmətlərin işçilər tərəfindən istifadə edilməsidir. Bu, çox vaxt məhsuldarlığı artırmaq məqsədilə edilsə də, ciddi təhlükəsizlik riskləri yaradır və kibercinayətkarlar üçün təşkilata daxil olmaq üçün şərait yaradır.
Shadow IT hücumunun zərərləri:
Nəzarətsiz giriş nöqtələri - Təsdiqlənməmiş tətbiqlər və xidmətlər kibercinayətkarların təşkilat sistemlərinə daxil olması üçün zəif və nəzarətsiz yollar aça bilər.
Məlumatların sızması riski - Məxfi və şəxsi məlumatlar İT nəzarətindən kənarda istifadə olunduqda, üçüncü şəxslərin əlinə keçə bilər.
Təhlükəsizlik sistemlərinin zəifləməsi - Rəsmi İT strukturuna inteqrasiya olunmayan alətlər mövcud təhlükəsizlik protokollarını pozaraq müdafiəni zəiflədə bilər.
Reputasiya itkisi - Məlumat pozuntuları və idarə olunmayan texnologiyalar təşkilatın müştərilər, tərəfdaşlar və ictimaiyyət qarşısında etibarını zədələyə bilər.
Necə qorunmalı?
- Qaydalar yaradın – İnformasiya təhlükəsizliyi ilə bağlı güclü qaydalar hazırlanmalı.
- İşçiləri maarifləndirin – İşçilər Shadow IT və digər kibertəhlükələr barədə mütəmadi maarifləndirilməli.
- Monitorinq sistemləri tətbiq edin – Şəbəkədə və cihazlarda istifadə olunan tətbiqləri izləmək üçün müasir nəzarət vasitələrindən istifadə edin.
- Təhlükəsiz alternativlər təqdim edin – Rəsmi və təhlükəsiz bulud, mesajlaşma və fayl paylaşma xidmətlərindən istifadəni təşviq edin.
- Daimi izləmə aparın – Zəiflik skanerləri və log analiz vasitələri ilə potensial təhlükələri vaxtında aşkar edin.
Unutmayın, IT departamenti bir tətbiqdən xəbərsizdirsə, onu nə nəzarət edə, nə də qoruya bilər.
Məlumat təhlükəsizliyinizi qorumaq üçün “CYBERSIGN” şirkətinə müraciət edə bilərsiniz.
CYBERSIGN, şirkətlər üçün Kiber təhlükəsizlik maarifləndirmə təlimlərinin təşkili və şirkət təhlükəsizliyinin təmin edilməsi üçün kiber təhlükəsizlik xidmətlərini təklif edir.